||अवधूत चिंतन श्री गुरुदत्त ||

उपाधी टाळण्यासाठी संत अनेकदा विपरीत वर्तन करतांना दिसतात आपण त्यांच्या वर्तनाची चिकित्सा करणे अयोग्य असून आपण त्याकडे लक्ष न देता आपली सेवा करणेच हितावह असते दत्तदास

सदगुरूंचे जवळ कधीही शिष्याने मी ज्ञानी आहे व मला सर्व काही ज्ञात आहे असे कधीही वागू नये कारण त्यात आपलीच हानी असते याउलट आपले अज्ञानत्व कबूल करण्यातच आपला लाभ असतो दत्तदास

संत हे कल्पवृक्ष आहेत आपणांस हवे असलेले ते देतातच म्हणूनच पु काका म्हणतात की त्यांच्याजवळ काय मागायचे याची आपणास जाण हवी तसा विवेक हवा म्हणूनच *संतांचिये दारी ।कशाची न वाण।परी हवी जण। मागायाची।।* दत्तदास

संतांचे घरी कोणतेही काम करण्यात कमीपणा नसावा व तेथे आवड निवड नसावी किंबहुना आपणांस तिथे सेवा करण्याची संधी मिळते हेच महत्त्वाचे आहे दत्तदास

नामस्मरणाने भव ,भय नाहीसे होतात आणि त्याने मनास शांती लाभते नामात विलक्षण बळ आहे आपण अनुभूती घेतली पाहिजे दत्तदास

जेथे सदगुरूंचे स्मरण केले जाते तेथे त्यांचे अधिष्ठान असतेच आपण स्मरण भक्ती केली की ते स्मर्तुगामीत्वतेची प्रचिती देतातच दत्तदास

भगवंताच्या नामस्मरणाने आपणास आत्मिक बाळ लाभते व त्याद्वारा आपले दुःख हलके देखील होते म्हणून नामस्मरण सतत सुरू असावे नामस्मरणाचे खुपच महत्व आहे असे शास्त्र सप्रमाण सांगते दत्तदास

प्रत्येकाचे हृदयी विराजित झालेली सद्गुरूमुर्ती अधिकाधिक आल्हादित, आनंदित ,प्रसन्न होईल असे कर्म, सेवा आपल्याद्वारे घडावे असे कर्म घडण्यासाठी प्रत्येकाने प्रयत्न करणे हा ही परमार्थच होय दत्तदास