||अवधूत चिंतन श्री गुरुदत्त ||

स्वतः ची स्तुती कधीही ऐकू नये उलट कोणी आपली निंदा केली तर उत्तमच कारण स्तुतीमुळे अहंकार येण्याचा संभव असतो व अहंकार हा प्रगतीस घातक असतो असे संत म्हणतात दत्तदास

सदगुरु, संत यांचे चरणाशी आश्रय मिळणे सहज व सोपे नाही त्यासाठी संचित लागते ,पूर्व संस्कार व सदगुरूंची इच्छा देखील महत्वाची असते म्हणून संतचरणी नेहमी प्रार्थना करावी की तुमची कृपा कायम असू देत दत्तदास

संतसंगतीचा महिमा थोर आहे प्रत्यक्ष भगवंत ही त्यांचे सहवासाची इच्छा करतात व त्यासाठी वेगवेगळे रूप घेतात दत्तदास

सदगुरूंनी सांगितलेली कोणतीही गोष्ट आपण काया, वाचा, मने केली पाहिजे ती आपण निःशंक मनाने व पूर्ण विश्वासाने केली की अनुभूती मिळते दत्तदास

मना ला नाम घेण्याची सवय लावली की सर्व सिध्दी चा मार्ग आपोआप दृष्टीस येतो व हे सदगुरु कृपेने सहजपणे घडते एवढे नामाचे महत्व आहे दत्तदास

सद्यस्थितीत सहज, सरल, सर्वात सोपे,विनासायास भगवंताची सेवा करण्याचे साधन ,मार्ग म्हणजे नामस्मरण होय म्हणून त्याचा अंगीकार करावा दत्तदास

संत चरणांची धूळ आपल्या ललाटी लावावयास मिळणे हे आपले अहोभाग्य होय प्रत्यक्ष भगवंत देखील त्यासाठी प्रयत्नरत असतात दत्तदास

संत ,गुरुगृही, त्यांचे समोर आपल्या वागण्यात, बोलण्यात सहजता असावी , कुठल्याही गोष्टीचा दर्प नसावा कारण आपली सहजता पाहून ते ही आपणास सहज उपदेश करतात दत्तदास