||अवधूत चिंतन श्री गुरुदत्त ||

संत, सदगुरू यांना अतितदृष्टी व दूरदृष्टी (मागील व पुढील समजणे, पाहू शकणे) असते त्यामुळे तिथे काहीच लपवून ठेवायचे नसते कारण आपण काही लपवितो आहे हे ही त्यांना सहज कळते दत्तदास

आपण ज्यावेळी संत, सद्गुरू यांचेकडे जातो त्यावेळी सर्वप्रथम मीपणा सोडायला हवा अन्यथा त्यात आपलीच हानी असते दत्तदास

उपासनेत , साधनेत वेळेला अनन्यसाधारण महत्व आहे शक्यतो आपल्या उपासनेची वेळ ही निश्चित असावी म्हणजे एखादेवेळी जरी वेळ चुकली, तरी भगवंत,सद्गुरू आपली आठवण काढतात की आज माझ्या भक्ताने अजून माझी उपासना का केली नाही म्हणून दत्तदास

उपासना ही यंत्रवत होता कामा नये , ती मनापासून घडली तर त्या उपासनेपासून आपणांस आनंद व समाधान लाभले पाहिजे म्हणजे आपली उपासना योग्य दिशेने सुरू आहे हे समजावे दत्तदास

केवळ सद्गुरूंचे हातपाय चेपून देणे, त्यांचे घराची झाडलोट करणे, लादी पुसणे म्हणजेच सेवा नाही तर त्यांना आवडणाऱ्या गोष्टींपैकी कोणतीही एखादी गोष्ट करणे म्हणजे सद्गुरू सेवा व पर्यायाने दत्तगुरूंचीच सेवा होय दत्तदास

सद्गुरू आज्ञा पालन करणे हे एक व्रतच आहे आपल्या जीवाची, मान,सन्मानाची पर्वा न करता त्यांच्या आज्ञेचे पालन करणे ही त्यांची व पर्यायाने दत्तगुरूंची सेवा होय दत्तदास

सद्गुरुंच्या रूपाचे ध्यान, उपदेशाचे चिंतन आणि लीलांचे मनन करणे ही देखील त्यांची आणि पर्यायाने दत्तगुरूंची सेवा होय दत्तदास

गुरुचरित्र हा केवळ ग्रंथ नसून तो कामधेनू आहेच त्याच्या वाचनाने सदगुरु चरणी निष्ठा अधिकाधिक दृढ होते दत्तदास