||अवधूत चिंतन श्री गुरुदत्त ||

संत हे फणसासारखे असतात वरवर जरी ते कठोर , कडक वाटत असले तरी ते अंतरी दयाळू, कृपाळू व प्रेमळ असतात केवळ उपाधी टाळण्यासाठी ते तसे वागतात आपण त्यांचे सहवासात गेलो की अनुभवांनी तसा प्रत्यय येतो दत्तदास

सदगुरु, भगवंत, यांना अधीन करता आले पाहिजे त्यांना पैशाने, बळाने, अधीन करता येत नाही तर केवळ प्रेम, नाम आणि शुध्द भावना याद्वाराच ते शक्य असते व म्हणूनच तेवढी भक्ती ,तेवढे तप हे आपण करावयास हवे दत्तदास

मनाची प्रसन्नता सर्व सिद्धीचे कारण ठरते व नामाने प्रसन्नता लाभते दत्तदास

सदगुरूंकडे गेलो व त्यांची दृष्टी आपणावर पडली की दर्शनाचा निर्भेळ आनंद मिळतो तसेच त्यांची कृपा लवकर होते व आपणांस तशी प्रचिती देखील येतेव दत्तदास

आपले प्रत्येकाचे घरात श्री ज्ञानेश्वरी, दासबोध, तुकारामगाथा, एकनाथी भागवत हे वेदतुल्य ग्रंथ असावयास हवे दत्तदास

परमार्थ हा देखील नेहमी रोकडाच असावा उसनवारी करून केलेला परमार्थ भगवंतास कसा रुचेल? दत्तदास

संत, सदगुरु यांचे आचरण , त्यांचे वागणे त्यांचे कर्म ,त्यांचे बोलणे हे एक उपनिषद च असते दत्तदास

आपण संत, सदगुरु, भगवंत यांचेकडे गेल्यावर आपणास त्याचे फळ मिळत असतेच योग्य वेळ आली की अनुभूती मिळतेच हाच संत, सद्गुरू दर्शनाचा लाभ असतो दत्तदास