||अवधूत चिंतन श्री गुरुदत्त ||

सदगुरुंनी एकदा का तुमचा अंगीकार केला की तुम्ही सर्वात श्रीमंत व भाग्यवान ठरता पण जर सदगुरुंनी तुमचा अवहेर(त्याग) केला तर मात्र तुम्हाला कोणीच अगदी भगवंत देखील वाचवू शकत नाही दत्तदास

संतांचे जवळ नाही हा शब्दच नसतो कारण ते कल्पवृक्ष असतात म्हणूनच सदगुरू म्हणतात *संताचे ही द्वारी । कशाची न वाण ।* परंतु आपली योग्यता पाहूनच ते आपणास तसे देत असतात दत्तदास

आपण भगवंताचे पूजन, चिंतन, सद्गुरूंनी दिलेली उपासना, नामस्मरण करायचे असते ते आपले भोग नाहीसे व्हावे म्हणून नव्हे तर आपले भोग भोगण्यासाठी आपणास शक्ती मिळावी हाच हेतू असावा दत्तदास

सदगुरु कधीही आपले महात्म्य, मोठेपणा दाखवित नाही शिष्याचा हा धर्म आहे की त्याने आपल्या सदगुरूंचे महात्म्य वाढवून सर्वत्र पोहचवावे असे केल्याने ती गुरुसेवाच घडते दत्तदास

आपण चांगले कर्म करीत राहावे कर्मफळ सिध्दांतानुसार प्रत्येक कर्माचे फळ हे मिळतेच व म्हणूनच सत्कर्म केले तर चांगलेच फळ मिळणार आणि वाईट कर्म केले तर तसेच फळ मिळणार हे लक्षात घेणे आवश्यक आहे हे लक्षात ठेवले दुष्कर्म होणारच नाही दत्तदास

प्रत्येक संतांनी नामाचे महत्व सांगितले आहे कलियुगात नाम हेच सर्वश्रेष्ठ आहे व म्हणून प्रत्येकानेच त्याचा आधार घ्यावा असे ते सांगतात दत्तदास

आपणाप्रत्येकात षड्विकार हे असतातच व ते नैसर्गिक आहे पण त्यांचे योग्य प्रमाण व योग्य संतुलन राखण्यासाठी सद्गुरूंची कृपा आवश्यक आहे दत्तदास

नाम घ्यावे नाम द्यावे नामी रंगुनिया जावे असे सद्गुरूंचे वचन आहे व त्या वचनाची अनुभूती घ्यावी म्हणून आपण नाम घ्यायलाच हवे आपणांस अनुभूती लाभतेच दत्तदास