||अवधूत चिंतन श्री गुरुदत्त ||

सद्गुरू आज्ञा पालन करणे हे एक व्रतच आहे आपल्या जीवाची, मान,सन्मानाची पर्वा न करता त्यांच्या आज्ञेचे पालन करणे ही त्यांची व पर्यायाने दत्तगुरूंची सेवा होय दत्तदास

सद्गुरुंच्या रूपाचे ध्यान, उपदेशाचे चिंतन आणि लीलांचे मनन करणे ही देखील त्यांची आणि पर्यायाने दत्तगुरूंची सेवा होय दत्तदास

गुरुचरित्र हा केवळ ग्रंथ नसून तो कामधेनू आहेच त्याच्या वाचनाने सदगुरु चरणी निष्ठा अधिकाधिक दृढ होते दत्तदास

आपण जे ही कर्म , साधना करतो ती का करतो, त्यापासून आपणांस काय लाभ होणार आहे याविषयी आपणांस माहिती असणे आवश्यक आहे दत्तदास

आपण करीत असलेली उपासना ही नियमित हवी आणि त्यात सातत्य असणे देखील तितकेच महत्वाचे आहे सातत्य व नियमितपणा असला की सेवा पोहचतेच इप्सित स्थानापावेतो दत्तदास

संतांचे जवळ गेलात , त्यांचे सानिध्यात राहून सेवा केली आणि त्यांनी काही वर माग म्हंटल्यावर सांसारिक मागणे म्हणजे जन्माची व्यर्थताच होय दत्तदास

नुसती माळ गळ्यात घालून वा हातात घेऊन बसलात तर काहीच उपयोग होणार नाही तर ती माळ भगवंताचे नामसमरण कराण्यास उपयोगाची आहे व त्यातच धन्यता आहे त्या माळेची दत्तदास

भगवंताने आपणास मन व बुद्धी दोन्हीही दिले आहेत त्याचा योग्य त्या ठिकाणी योग्य तो वापर करणे हे आपले काम आहे दत्तदास